දියවැඩියාව ඔබේ ලිංගික ජීවිතයට බලපෑම් ඇති කරන්නේ කෙසේද?

දියවැඩියාව ඇතිවීම නිසා ශාරීරික මෙන්ම ලිංගික සෞඛ්‍යයටත් බලපෑම් ඇති වන බව ඔබ දැන සිටියාද?
දියවැඩියාව මගින් ලිංගික ජීවිතයට ඇති කරනු ලබන බලපෑම ශාරීරික වශයෙන්ම ඇතිවන අතුරු ආභාදයක්ම නොවෙයි. දියවැඩියා රෝගය පුද්ගලයෙකුගේ මානසික සෞඛ්‍යය බිඳ වැට්ටවීම සඳහාත් සමත් වනවා.

දියවැඩියා රෝගය ලිංගික අවයව වලට බලපෑම් ඇති කරන්නේ කෙසේද ?
දියවැඩියාව රෝගය නිසා කාන්තාවන්ට සහ පිරිමින්ට පහත සඳහන් වන ආකාරයන්ගෙන් බලපෑම් ඇති වනවා.

කාන්තාවන්ට ඇතිවන බලපෑම
දියවැඩියාව රෝගය නිසා කාන්තාවන්ගේ ස්නායු වලට බලපෑමක් ඇතිවී ලිංගික උත්තේජනය ලබා ගැනීමේ හැකියාව පහව යවනවා.

මේ තත්වය නිසා සංසර්ගය සිදු කරන විට කාන්තාවකගේ යෝනියෙන් වෑස්සෙන තරලයන් වෑස්සීම සීමාවී වේදනාවක් ඇති කර සුරාන්තයට පත්වීමට ඇති අවස්ථාව දුරු කරනවා. ආර්තවාභාවය අතර තුල පසුවන කාන්තාවකට දියවැඩියාව ඇති වුව හොත් එම කාන්තාවගේ රිධිරයේ සීනි මට්ටමේ ක්‍ෂණික වෙනස් කමක් සිදු වන්නට පුළුවන්. මේ නිසා එම කාන්තාවගේ ලිංගික සෞඛ්‍යයට දැඩි හානියක් සිදු වන්නට ඉඩ තිබෙනවා. එවන් කාන්තාවක් ලිංගිකව එක්වීමට පෙර රුධිර පරීක්ෂාවක් සිදු කිරීමයි වඩාත් සුදුසු වන්නේ.

ඒ, මෙවන් තත්වයක් යටතේ සිටින කාන්තාවක් ලිංගිකව එක්වීමේ දී රුධිරයේ සීනි මට්ටම වඩා අඩු අගයක් ගන්නා නිසා ලිංගික එක්වීම මගින් සතුටට වඩා වේදනාවක් දැනෙන නිසයි. ඒ වගේම, මෙවන් කාන්තාවකට ලිංගික සංසර්ගය මගින් දැඩි අපහසුවක් ඇති කරවන “thrush”, “cystitis” සහ මුත්‍රා මාර්ගයේ ඇතිවන ආසාදන වැනි විවිධ ආසාදන තත්වයන් ඇතිවීමේ වැඩි අවදානමක් තිබෙනවා.

පිරිමි පුද්ගලයින්ට ඇතිවන බලපෑම
දියවැඩියාව ඇති පිරිමි පුද්ගලයින්ට නිතරම වාගේ ඇති වන්නේ තම ලිංගික කාර්යය නිසි ලෙස සිදු කිරීමට නොහැකි වන පරිදි “testosterone” හෝමෝන මට්ටම පහළ වැටීමයි. කෙසේ වෙතත් දියවැඩියාව ඇති පිරිමි පුද්ගලයින්ට ප්‍රධාන වශයෙන් ඇතිවන ලිංගික සෞඛ්‍යය ගැටළුව වන්නේ ශිෂ්ණය නිසි පරිදි ප්‍රාණවත් නොවීමයි. පුරුෂයෙකුගේ ශිෂ්ණය නිසි පරිදි ප්‍රාණවත් වන්නට නම් ශිෂ්ණයට නිසි පරිදි රුධිර සැපයුමක් අවශ්‍ය වනවා. දියවැඩියාව මගින් රුධිර නාලිකා වලට හානි සිදු කිරීම නිසා ශිෂ්ණයට ලැබිය යුතු නිසි රුධිර ප්‍රමාණය නොලැබී යාමත් ස්නායු වලට හානි සිදු වීම නිසා ශිෂ්ණය සහ මොළය අතර ඇති සන්නිවේදනය අවහිර වීමත් සිදු වනවා. මේ නිසා දියවැඩියාව ඇති අයෙකුට ශිෂ්ණය ප්‍රාණවත් කර ගැනීම තරමක් අසීරු ක්‍රියාවක් වනවා.

කාන්තාවන්ට සහ පිරිමින්ට පොදුවේ ඇතිවන බලපෑම
දියවැඩියාවෙන් පීඩා විඳින පුද්ගලයින්ට නිතර වෙහෙස ඇති වනවා. දියවැඩියාව ඇති පුද්ගලයින්ට වෛද්‍ය උපදෙස් මත ඉන්සියුලින් එන්නත තමා විසින්ම ලබා ගැනීමට අවසරදී තිබෙනවා. එමගින් රුධිරයේ ඉන්සියුලින් අගය වැඩි කර රුධිරයේ සීනි මට්ටම පාලනය කර ලිංගික සෞඛ්‍යයත් තරමක් දුරට වර්ධනය කර ගන්නට පුළුවන්.

මීට, අමතරව දියවැඩියාව ඇති පුද්ගලයින් හට ලිංගික සෞඛ්‍යය බිඳ වට්ටන මානසික වශයෙන් විවිධ බලපෑම් ඇති වනවා.
එවන් උදාහරණ කිහපයක් :

තමා පිළිබඳ ඇතිවන අවතක්සේරුව

කාංසාව
ශරීරයේ බර වැඩිවීම
විෂාදය
සිත හුදකලා වීම
තනිකමක් දැනීම
ආත්මාභිමානය ගිලිහීම

දියවැඩියාව රෝගය ඇතිවීම නිසා ඇතිවන විවිධ මානසික ආභාදයන් වලට සුවය ලබා ගැනීම සඳහා “selective serotonin reuptake inhibitors (SSRIs)” වැනි “Prozac” සහ “Zoloft” ඖෂධ තිබෙනවා.

දියවැඩියා රෝගීන්ගේ ලිංගික ක්‍රියාකාරීත්වය වර්ධනය කිරීම සඳහා ඇති ප්‍රතිකාර ක්‍රම

මේ සඳහා ප්‍රධානතම ප්‍රතිකාර ක්‍රමය වන්නේ රුධිරයේ සීනි මට්ටම පාලනය කිරීම මගින් ස්නායු ආභාද ඇතිවීම වළක්වා ගැනීමයි. මේ සඳහා සිදු කල හැකි දෑ වන්නේ දිනාපතා ඉන්සියුලින් ලබා ගැනීම, රුධිරයේ ග්ලූකොස් මට්ටම පාලනය කිරීම වැනි දෑයි.

පිරිමි පුද්ගලයින් සඳහා සිදු කල හැකි ප්‍රතිකාර ක්‍රම
දියවැඩියා රෝගය නිසා ශිෂ්ණය නිසි පරිදි ප්‍රාණවත් නොවන පිරිමින් සඳහා වෛද්‍යවරු විසින් “Viagra” සහ “Cialis” වැනි ඖෂධ නිර්දේශ කරනු ලබනවා. කෙසේ වෙතත් මෙවන් ඖෂධ සෑම අයෙකුටම සුදුසු වන්නේ නෑ. (විශේෂයෙන්ම අධි රුධිර පීඩනය සහ හදවත් රෝග ඇති පුද්ගලයින්ට)

ඇතැම් පුද්ගලයින් මෙවන් ඖෂධ භාවිතා කරන අතර වාරයේ සමහරුන් වැකුම් පොම්ප “vacuum pumps” සහ ශිෂ්ණයට එන්නත් කරනු ලබන එන්නත් ආදිය භාවිතයෙන් ඵලදායීතාවය වර්ධනය කර ගනු ලබනවා. ඒ වගේම, ඇතැමුන් “penile implant” වැනි සැත්කම් වලට භාජනය වීම මගිනුත් ශිෂ්ණයේ ප්‍රාණවත් භාවය නැවත ලබාගන්නවා.

කාන්තාවන් සඳහා සිදු කල හැකි ප්‍රතිකාර ක්‍රම
කාන්තාවන් ලිංගිකව එක්වීමට පෙර යම් ලිහිස්සි ද්‍රාවණයක් යෝනි මාර්ගයේ තවරා ගන්නවා නම් සංසර්ගයේදී ඇති වන වේදනාව තරමක් දුරට දුරු කර වින්දනයක් ලබන්නට පුළුවන්. මෙවන් ද්‍රාවණයන් අන්තර්ජාලයෙන් පවා පහසුවෙන් මිලදී ගන්නට පුළුවන්.

හෝමෝන ලබාදීම මගින් සිදු කරනු ලබන ප්‍රතිකාර
කාන්තාවන්ගේ මෙන් පිරිමින්ගේ ද ලිංගික හැකියාව නැවත වර්ධනය කරන සාර්ථක ක්‍රමවේදයක් තමයි මේ හෝමෝන ලබාදීම. කෙසේ වෙතත් මෙමගින් විවිධ අතුරු ආභාද ඇතිවීමට හැකියාව ඇති නිසා මෙවන් ප්‍රතිකාර ක්‍රම වෛද්‍යවරුන්ගේ අනුමැතිය ඇතිව සිදු කල යුතු වනවා.

නැතිවී ගිය ලිංගික ක්‍රියාශීලීත්වය වර්ධනයට ජීවන රටාවේ සිදු කරනු ලබන වෙනස්කම්
දියවැඩියාව ඇති කාන්තාවන් සහ පිරිමින් සෞඛ්‍යය සම්පන්න ජීවන රටාවකට හුරුවීම මගින් නැවතත් ලිංගික ක්‍රියාශීලී බවක් වර්ධනය කර ගන්නට පුළුවන්. දිනපතා සෞඛ්‍යයට හිතකර ආහාර ලබා ගන්න ඒ වගේම, ව්‍යායාම වලත් නිරත වන්න. තරබාරු පුද්ගලයෙකු දියවැඩියා රෝගයෙන් පීඩා විඳිනවා නම් තරබාරු භාවය අඩු කර ගැනීම මගිනුත් ලිංගික ජීවිතය වර්ධනය කර ගන්නට පුළුවන්.

Kegel ව්‍යායාම
කාන්තාවන් විසින් මෙම ව්‍යායාමය සිදු කිරීම මගින් ලිංගික ක්‍රියාකාරීත්වය වර්ධනය කර ගන්නට පුළුවන්.
පහත සඳහන් වන පියවරයන් අනුගමනය කර “Kegel” ව්‍යායාම සිදු කර ශ්‍රෝණි මාංශ පේශී වර්ධනය කර ගන්න:

ඔබ මුත්‍රා කරන විට මුත්‍රා කිරීම නතර කරන්නට උත්සහා කරන්න. එහි දී උපකාර වන මාංශ පේශී ශ්‍රෝණි මාංශ පේශී ලෙස හඳුන්වනු ලබනවා. නැත්නම් ඔබේ එක් ඇඟිල්ලක් යෝනිය තුලට දමා එම ඇඟිල්ලෙන් යෝනිය තුල ඇති මාංශ පේශී මිරිකන්න. (මෙම ආකාර දෙකෙන් ඔබට ශ්‍රෝණි මාංශ පේශී හඳුනා ගන්නට පුළුවන්)

ඊළඟ පියවර ලෙස මෙම මාංශපේශී තප්පර තුනක කාලයක් තද කර තබා ගෙන තප්පර තුනක කාලයක් ලිහිල් කර ගන්න. මේ ආකාරයට මෙම ව්‍යායාමය නොනවත්වා දස වතාවක් සිදු කරන්න. දිනකට දෙවතාවක් මෙම ව්‍යායාමය සිදු කර ඉහත සඳහන් කල තප්පර තුනේ කාලය තප්පර පහ දක්වා දික් කරන්න.

පිරිමි පුද්ගලයින්ට පවා මෙම “Kegel” ව්‍යායාමය සිදු කර ලිංගික හැකියාව වර්ධනය කර සුරාන්තයට පත්වීම් පවා දිගු කර ගන්නට පුළුවන්. දියවැඩියා රෝගියෙකුගේ මානසික ආතතිය දුරු කර ගැනීම සඳහා භාවනා සිදු කිරීම, පොත් පත් කියවීම, යෝගා අභ්‍යාසය වල යෙදීම වැනි කාර්යයන් සිදු කර මානසික ආතතිය දුරු කර ගැනීම වඩාත් වැදගත් වනවා. අවවාදයයි: මෙම ලිපියේ විවිධ ප්‍රතිකාරක්‍රමයන් පිළිබඳ සඳහන් වුවත් ඔබට දියවැඩියා රෝගයෙන් ලිංගික අකර්මන්‍යතාවයක් ඇතිවී තිබෙනවා නම් ප්‍රථමයෙන්ම වෛද්‍ය උපදෙස් ලබා ගැනීමයි සුදුසුම ක්‍රියාව වන්නේ.

මේ ලක්‍ෂණ 10ය ඔබේ ශරීරයෙන් නිරීක්‍ෂණය වනවානම් ඉක්මණින්ම ජලය වැඩිපුර පානය කරන්න

රුධිර තුල ජලය 83% ක්, පෙනහළු තුල ජලය 90% ක්, වකුගඩු සහ මාංශ පේශී තුල ජලය 73% ක් අන්තර්ගත වනවා. ශරීරය තුල අන්තර්ගත වන මෙම ජලය ප්‍රතිශතයෙන් විශාල ප්‍රමාණයක් දහඩිය දැමීම සහ මුත්‍රා පිට කිරීම නිසා දිනකටශරීරයෙන් ඉවත් වනවා. මේ ආකාරයට ශරීරයෙන් ඉවත් වන ජලය නිසි ලෙස නැවතත් ශරීරයට ලබා ගැනීම ගැන ඔබ වඩාත් සැලකිලිමත් විය යුතු වනවා.

දිනකට ජලය වීදුරු 6-8 ත් අතර ප්‍රමාණයක් පානය කිරීම සුදුසු යැයි ඔබ අසා තිබෙන්නට පුළුවන්. නමුත් බොහෝ දෙනා මෙය දිනකට ජලය වීදුරු දෙකකට සීමා කරනු ලබනවා. සාමාන්‍ය වශයෙන් පිරිමි පුද්ගලයෙක් දිනකට ජලය ලීටර තුනක් (වීදුරු දොළහක්) පානය කල යුතු අතර කාන්තාවක් දිනකට ජලය ලීටර 2.2 (වීදුරු නවයක්) පානය කල යුතු වනවා. ඔබ නිසි පරිදි ජලය පානය නොකරනවා නම් ඔබේ ශරීරයෙන් මෙවන් ලක්‍ෂණ දැක ගන්නට පුළුවන්. ඔබත් මෙම ලක්‍ෂණ දහය පිළිබඳ නිසි අවධානය යොමු කරන්න.

01. හිසරදය
ජලය නිසි ලෙස පානය නොකරන අවස්ථාවක ශරීරය විසින් උත්සහා කරනු ලබන්නේ ශරීරය තුල තිබෙන ජලය ප්‍රමාණය කෙසේ හෝ භාවිතයට ගැනීමටයි. ශරිරයට ජලය හිග අවස්ථාවක ශරීරයේ කුමන අවයවයක ජලය වුවත් භාවිතයට ගැනීමට කිසිම පැකිලීමක් ඇති වන්නේ නෑ. ඔබට නිරන්තරයෙන් හිසරදය ඇතිවනවා නම් මේ පිළිබඳ නිසි අවධානය යොමු කරන්න. නිසි පරිදි ජලය පානය කරන්න.

02. සන්ධි වේදනාව
සන්ධි චලනය වන අවස්ථාවක නිසි පරිදි ක්‍රියාත්මක වීම සඳහා ජලය ලිහිස්සි ද්‍රාවණයක් ලෙස ක්‍රියා කරනු ලබනවා. නිසි ලෙස ජලය පානය නොකිරීම මගින් සන්ධි වලට අවශ්‍ය කරන මෙම ලිහිස්සි ද්‍රාවනය නිසි ලෙස නොලැබී යනවා. එම හේතුව නිසා කාටිලේජ වලට හානි සිදුවී සන්ධි වේදනාවක් ඇති වනවා.

03. කුසගින්න සහ බර වැඩි වීම
මිනිස් ශරීරය ඉතා සංකිර්ණ යාන්ත්‍රණයක්. මිනිස් මොළයේ අන්තර්ගත වන“hypothalamus” ව්‍යූහය මගින් කුසගින්න සහ පිපාසය ශරීරයට දැනෙන්නට සලස් වනවා. ඔබටසුළු කුසගින්නක් දැනුණු අවස්ථාවක මොනයම් හෝ දෙයක් ආහාරයට ගන්නවා වෙනුවට ජලය වීදුරුවක් පානය කරන්න. (මෙය ප්‍රධාන ආහාර වේල් සඳහා සිදු කල නොහැකි ක්‍රියාවක්) එමගින් ඔබ වැඩි පුර ආහාරයට ගැනීම වළක්වා ඔබේ බරත් යම් මට්ටමකට පාලනය වේවි.

04. අඩුවෙන් මුත්‍රා පිට කිරීම
සාමාන්‍ය වශෙයෙන් පුද්ගලයෙක් දිනකට වාර 6-7 ත් අතර ප්‍රමාණයක් මුත්‍රා පිටකරනු ලබනවා. ඔබ දිනකට මෙම වාර ගණනට වඩා අඩුවෙන් මුත්‍රා පිට කරනවා නම් ඔබ විජලන තත්වයෙනුයි පසුවන්නේ. වකුගඩු මගින් විජලනය හැකිතාක් අවම කර ගැනීම සඳහා හැකි පරිදි ජලය ශරීරය තුල තැම්පත් කර ගැනීමට උත්සහා කර නිසා සාමාන්‍ය ප්‍රමාණයට වඩා මෙවන් අවස්තාවක වකුගඩු වැඩි වශයෙන් වෙහෙසෙනවා. මෙම තත්වය මගහරවා ගැනීම සඳහා ඔබ විසින් සිදු කල යුත්තේ දිනකට අවශ්‍ය කරන නිසි ජලය ප්‍රමාණය පානය කිරීමයි.

05. මුත්‍රා තද කහ පැහැති වීම
මුත්‍රා වල සාමාන්‍ය වර්ණය වන්නේ කහ පැහැයයි. ඔබේ මුත්‍රා සාමාන්‍ය කහ වර්ණයෙන් තද කහ වර්ණය ගනු ලබනවා නම් එයින් අදහස් වන්නේත් ඔබ විජලන තත්වයෙන් පසු වන බවයි. මේ තත්වය සිදු වන්නේ වකුගඩු තුල අඩු වශයෙන් තරලයන් අන්තර්ගත වීම නිසයි. මෙහිදී ශරීරය තුල අන්තර්ගත වන සුළු ජලය ප්‍රමාණය රඳවා තබා ඛනිජ වැනි ද්‍රව්‍යයන් මුත්‍රා ලෙස පිට කිරීමක් සිදු වනවා.

06. මළබද්ධය
විජලනතත්වය නිසා නිතර ඇතිවන රෝග ලක්‍ෂණයක් තමයි මළබද්ධය. පෙර සඳහන් කල ආකාරයටම ශරීරය විජලයන වූ විට ශරීරයටඅවශ්‍ය කරන ජලය ප්‍රමාණය ඕනෑම ඉන්ද්‍රියක් මගින් ලබා ගැනීමට ශරීරය ක්‍රියා කරනවා. එය මහා බඩවැලෙන් වන්නටත් පුළුවන්. මහා බඩවැල තුල ප්‍රමාණවත් ජල සාන්ද්‍රණය නොමැතිවීම නිසා ජීර්ණය නොවූ ආහාර කැබලි මහා බඩවැල හරහා පිටවීමේ දී ගැටළු ඇති වනවා.

07. අධික තෙහෙට්ටුව
අධ්‍යයනයන් අනුව කරුණු දක්වන ආකාරයට ශරීරය තුල නිසි ලෙස ජලය නොමැති වීම නිසා තෙහෙට්ටු ස්වභාවය ඇති වනවා. විජලනය තත්වය නිසා හෘදය මගින් රුධිර පොම්ප කිරීමට වැඩි වෙහෙසක් ගනු ලබනවා. මේ හේතුව නිසයි ශරීරයට තෙහෙට්ටු ස්වභාවයක් ඇති වන්නේ. ඔබ නැවත වතාවක් තෙහෙට්ටු භාවයට පත් වූ විට ඔබ පානය කරනු ලබන කෝපි කෝප්පය සහ ශක්ති ජනක පානය වෙනුවට ජලය වීදුරුවක් පානය කරන්න.

08. පිපාසය සහ වියළි මුඛය
නිතර දැනෙන පිපාසය මගිනුත් කියවෙන්නේ විජලනය පිළිබඳවයි. අධික පිපාසයට අමතරව නිතරම වාගේ ඔබේ මුඛය වියළි ස්වභාවයක් ගනු ලබනවා නම් ඔබ වහාම ජලය පානය කරන්න.

09. ප්‍රතිශක්තිකරණ පද්ධතිය දුර්වලවීම
විජලනය මගින් ප්‍රතිශක්තිකරණය දුර්වල කර රුධිරයේ අඩංගු වන විෂ සහිත සංඝටකයන් ප්‍රමාණය වැඩි කරනු ලබනවා. ඔබ නිසි පරිදි ජලය පානය කරනවා නම් මෙම විෂ සහිත සංඝටකයන් ඉවත් කර ආසාත්මිකතාවයන් සඳහා සටන් වැදීමට ප්‍රතිශක්තිකරණ පද්ධතිය නැවත වර්ධනය කර ගන්නට පුළුවන්.

10. සම වියළීම සහ රැළි වැටීම
ශරීරය තුල ජලය හිගවීම නිසා සම වියළීම සහ සමෙහි රැළි ඇතිවීම ආරම්භ වනවා. (මෙම තත්වය ඇති වන එකම හේතුව මෙය නොවෙයි) නමුත් ඔබ මෙම තත්වයට මුහුණ දෙන අයෙක් නම් විවිධ ප්‍රතිකාර ක්‍රම සඳහා යොමු වීමට පෙර ප්‍රමාණවත් ලෙස ජලය පානය කර එමගින් යම් සහනයක් සැලසෙනවා දැයි විමසිලිමත් වන්න. ශරීරයේ ජලය හිගවීම නිසා සමේ දැවිල්ල වැනි තත්වයන් ඇතිවීම, සම කැසීම සහ සමේ සංවේදීතාවය අඩුවීම වැනි විවිධ තත්වයන් ඇති වන බව චර්ම රෝග විශේෂඥයෙක් වන “Diana Howard” මහතා පවසනවා. සමේ නිසි තෙතමනය දුරු වූ විට සම අකලට වියපත් වූ ස්වරූපයක් ඇති වනවා. සම නැවතත් නිසි ලෙස පෝෂණය කිරීමට නම් නිසි ලෙස ජලය පානය කිරීම අනිවාර්යයි.

වරකා බලගතුම පිළිකා නාශක බලයෙන් යුක්ත බව විද්‍යාඥයන් විසින් සොයාගෙන තිබෙනවා

වරකා වර්ධනය වූ විට රාත්තල් 100 පමණ බරක් දරන ශාකයක වර්ධනය වන ලොව විශාලතම පළතුරයි. බංගලාදේශයේ ජාතික පළතුර වන්නේත් වරකායි. වරකා පළතුර සතුව තන්තු, පොටෑසියම්, මැග්නීසියම්, කැල්සියම්, යකඩ සහ විටමින් A, B6, C සහ ප්‍රෝටීන් වැනි විශාල පෝෂණ ගුණයක් අන්තර්ගත වනවා. වරකා මදුලු කෝප්පයක් තුල දිනකට ශරීරයට අවශ්‍ය වන විටමින් B6 25% පමණ අඩංගු වනවා. එළවළු පමණක් ආහාරයට ගන්නා පුද්ගලයෙකුට වාරකා මගින් ශරීරයට අවශ්‍ය කරන විටමින් නිසි පරිදි සපයා ගන්නට පුළුවන්.

“National Cancer Institute” විසින් සපයන තොරතුරු වලට අනුව මිනිසාට වැළදෙන පිළිකා අතරින් මහා බඩවැලේ ඇතිවන පිළිකාව සුව කිරීමට අපහසුම පිළිකාවක් වනවා. වාසනාවකට මෙන් වරකා සතු වන ඖෂධීය ගුණ ඇති මෙම සංයෝගයන් හට මෙම පිළිකාව සාර්ථකව සුව කර ශරීරාංග සවිමත් කර දීමේ හැකියාවක් තිබෙනවා.

මහාබඩවැලේ පිළිකාවසුව කිරීම
වරකා “phytonutrients, isoflavones, lignans සහ saponins” වැනි බලගතු පිළිකා මර්ධක සංයෝගයන්ගෙන් පොහොසත් වනවා. මෙම සංයෝගයන් සපිරි වරකා ආහාරයට ගැනීම මගින් ශරීරයට ඇතිවන ව්‍යාධි සමග සටන් කර පිළිකාව සහ වෙනත් රෝග සුව කිරීමක් සිදු වනවා.

Phytonutrient
ශාකමය පළතුරු තුල පමණක් අන්තර්ගත වන මෙම “Phytonutrient” සංයෝගයට පිළිකා සෛල මුල් අවදියේම විනාශ කර දැමීමේ හැකියාව තිබෙනවා. උදරයේ ඇතිවන පිළිකාව මර්ධනය සඳහා මෙම සංයෝගය වරකා සතුව ප්‍රමාණවත් පරිදි අන්තර්ගත වන අතර මෙම සංයෝගයේ පිළිකා මර්ධන හැකියාව පිළිබඳව තවමත් විද්‍යාඥයන් විසින් පර්යේෂණ සිදු කරමින් සිටිනවා.

Saponin
මහාබඩවැලේ ඇතිවන පිළිකාව සමග සටන් වැදීමට ඇති තවත් පිළිකා නාශක සංයෝගයක් තමයි “Saponin” කියන්නේ. මෙම සංයෝගය ලියුකේමියා සෛල හා සටන් වදින බවත් එක්තරා අධ්‍යයනයක් මගින් තහවුරු කර තිබෙනවා. මෙවන් පිළිකා නාශක සංයෝගයක් මගින් පිළිකා සෛල වටා බන්ධනයක් ඇතිකර පිළිකා සෛල වර්ධනය වීම වළක්වනවා.

Lignans සහ Isoflavones
මෙම සංයෝග දෙක මගිනුත් ඊස්ට්‍රෝජන් හෝමෝනය මගින් සිදු කරන ක්‍රියාවම සිදු වන බව අධ්‍යයනයන් මගින් සඳහන් කරනු ලබනවා. මේ සංයෝග දෙක මගින් ගර්භක්ෂේත්‍ර පිළිකා අවදානම අඩු කර ගත හැකි බව 2006 වසරේදී කාන්තාවන් 500 යොදා සිදු කරනු ලැබූ අධ්‍යයනයක් මගින් තහවුරු කර තිබෙනවා.

DNA සෛල ආරක්‍ෂා කරදීම
වරකා සතු ප්‍රතිඔක්සිකාරක බලයන් නිසා ශරීරයට සිදු වන රෝග කාරක හා සටන් වැද ශරීරයට ඔක්සිකාරක ආපදා ඇතිවීම වළක්වනවා. වරකා සතු වන තන්තු මගින් මහාබඩවැලේ සහ ආහාර ජීර්ණ මාර්ගයේ ඇති විෂ සහිත සංඝටක පිරිසිදු කර පිළිකා අවදානම තුරන් කරනු ලබනවා.

ප්‍රතිශක්තිකරණ පද්ධතිය සවිමත් කිරීම
වරකා සතු විටමින් C සහ සරල සීනි යන සංයෝගයන් මගින් ප්‍රතිශක්තිකරණ පද්ධතියවේගවත් කිරීමක් සිදු වනවා.

වරකා සතු පෝෂණ ගුණය

වරකා ඔබේ ආහාර වේලට එක්කර ගත යුතු ප්‍රධානතම හේතූන් කිහිපයක්

වරකා මදුලු කෝප්පයක් සතුව කැලරි 155, මේදය ග්‍රෑම් 4 ක්, සංතෘප්ත මේදය, කොලෙස්ටරෝල් සහ සෝඩියම් සුළු ප්‍රමාණයක් අන්තර්ගත වනවා. වරකා තුල විටමින් A, “niacin”, “riboflavin”, “thiamine” සහ“folate” වැනි සංයෝගයන් සහ අත්‍යාවශ්‍ය ඛනිජ අඩංගු වනවා. වරකා සතු සරල සීනි මුළු ශරීර සෞඛ්‍යයටම සුවදායක වනවා. දිනකට අවශ්‍ය වන තන්තු 11% පමණ වරකා මගින් ශරීරයට ලැබෙන අතර එමගින් ආහාර ජීර්ණ පද්ධතිය වර්ධනය වනවා.

දවසකට බිත්තර දෙකක් ආහාරයට ගැනීමෙන් සිදුවන දේ ඇසුවොත් ඔබ පුදුම වේවි

බිත්තර ආහාරයට ගැනීම පිළිබඳ විවිධ මත තිබෙනවා. ඇතැම් අය කියන්නේ එයින් කොලෙස්ටරෝල් වැඩි වීම වගේ ප්‍රශ්න එන බවයි. මේ අතර එහි කිසිදු ගැටලුවක් නැහැ කියලා කියන අයත් ඉන්නවා. මේ නිසා, ළඟදී වාර්තා වූ විවිධ පර්යේෂණයන්වල ප්‍රතිඵලත් ආශ්‍රය කරගනිමින්, කිකිළි බිත්තරවල ගුණ පිළිබඳ ඔබට යමක් කියන්න අප තීරණය කළා.

දවසකට බිත්තර දෙකක් නැත්නම් තුනක් ආහාරයට ගැනීමෙන් පහත සඳහන් වාසි සැලසෙනවා.

1. මොළයට අවශ්‍ය කෝලීන් ලැබෙනවා
මොළයේ සෛලවල සන්නිවේදන කටයුතු පාලනය වන පොස්පොලිපිඩ වල සංඝටකයක් තමයි කෝලීන්. මෙය මොළයේ වැදගත්ම සංඝටකය වන බව පෙන්වා දී තිබෙනවා. කෝලීන් අඩු වුණාම මතක ශක්තිය දුර්වල වෙනවා. නමුත් බිත්තර දෙකක් දවසකට ආහාරයට ගත්තොත් මොළයේ කෝලීන් අවශ්‍යතාව සම්පූර්ණ වනවා.

2. ඇස් පෙනීම ආරක්ෂා වනවා
කිකිළි බිත්තරවල ලුටෙයින් තිබෙන බව පර්යේෂණ මගින් පෙන්වා දී තිබෙනවා. මෙය ඇස් පෙනීම හොඳ තත්ත්වයේ තිබීමට හේතුවන රසායනිකයක්. එය අඩු වුනාම ඇසෙහි සෛලවලට හානි වී ඇස් පෙනීම දුර්වල වෙන්න පුළුවන්

3. විටමින් D
තම්බාපු බිත්තරයක සැලකිය යුතු විටමින් D ප්‍රමාණයක් තිබෙනවා. එයින් කැල්සියම් උරා ගැනීම පහසු කරන අතර ඒ නිසා දත් සහ අස්ථි සවිමත් වන්නට හේතු වනවා.

4. හිසකෙස්, සම​, අක්මාව​
බිත්තර වලින් බයොටින් ලැබෙන අතර එය හිසකෙස් වගේම සමේ ආරක්ෂාවටත් වැදගත් වනවා. ඒ වගේම එහි වන පොස්පොලිපිඩ් වලින් අක්මාවෙන් විෂ සහිත රසායනිකයන් ඉවත් කිරීම පහසු කරනවා.

5. හදවත් රෝග පාලනය
බිත්තර වලින් කොලෙස්ටරෝල් වැඩි කරන බව සාමාන්‍ය පිළිගැනීම වුණත්, එම කොලෙස්ටරෝල් පොස්පොටයිඩ් නම් රසායනිකයක් මගින් පාලනය කෙරෙන බව මෑතකදී කළ පර්යේෂණ මගින් සොයාගෙන තිබෙනවා. එමෙන්ම එයින් ශරීරයේ කොලෙස්ටරෝල් නිපදවීම ද පාලනය කරනවා. ඒ අනුව බිත්තර ආහාරයට ගැනීමෙන් කොලෙස්ටරෝල් වැඩි වීමක් වෙන්නේ නැහැ. ඊට අමරතව බිතරවල ඔමේගා-3 අම්ල අඩංගු හෙයින් ට්‍රයිග්ලිසරයිඩ පාලනයෙන් ද හදවත් රෝග අඩු කරන්න දායක වනවා

6. ශරීරයේ බර අඩු වීම
උදෑසන ආහාරයට කැලරි අඩු ආහාර වේලක් සමඟ බිත්තර ආහාරයට ගත්තොත් ඔබට බර අඩු කරගැනීමේ හැකියාව තිබෙන බව මෑතකදී කළ පර්යේෂණයකින් කියැවුණා. බිත්තර ආහාරයට ගැනීමෙන් වැඩි වේලාවක් බඩගිනි ඇති නොවන නිසා ඊළඟ ආහාර වේලට ගන්නා ආහාර ප්‍රමාණය අඩු කරගත හැකි බවයි පැවසෙන්නේ.

7. පිළිකා පාලනය​
කලින් සඳහන් කරපු කෝලීන් හේතුවෙන් පිළිකා ඇතිවීමද පාලනය කරන බව සොයාගෙන තිබෙනවා. වැඩෙන වයසේදී බිත්තර නිතර ආහාරයට ගත් කාන්තාවන් ගේ පියයුරු පිළිකා සෑදීමේ සම්භාවිතාව සියයට 18 කින් පමණ අඩුවන බව පර්යේෂකයන් පෙන්වා දුන්නා.

8. දරුවන් ලැබීමේදී
දරුවන් බලාපොරොත්තුවෙන් සිටින කාන්තාවන්ට ෆෝලික් අම්ල පෙති ලබා දෙන බව ඔබ දන්නවා. මෙය දරු පිළිසිඳ ගැනීමක් වූ පසු කළලයේ වර්ධනයට වැදගත් වන බී විටමින් කාණ්ඩයේ එක් විටමිනයක්. බිත්තරයක ෆෝලික් අම්ලය මයික්‍රෝ ග්‍රෑම් 7 ක් අඩංගු වනවා.

9. වයසට යෑම පාලනය​
නෙදර්ලන්තයේදී කළ පර්යේෂණයකින් හෙළි වුණේ මුහුණේ ලප සහ රැළි වැටීම අඩු කිරීමට බිත්තර ආහාරයට ගැනීම උපකාර වන බවයි.

ඉතින් මේ දේවල් වලින් ඔබ යමක් ඉගෙන ගත්තා නම් ඔයාගේ යාළුවන්ටත් බලන්න ශෙයා කරන්න.

කෙසෙල් ලෙලි මගින් සුවකරදෙන ඔබේ සෞඛ්‍යය ගැටළු ගැන ඔබ දැන සිටියාද?

කෙසෙල් ආහාරයට ගැනීම මගින් අපට අත්වන සෞඛ්‍යය වාසි පිළිබඳව ඔබ දැනුවත් වුවත් කෙසෙල් ලෙලි මගින් අපට අත්වන සෞඛ්‍යය වාසි පිළිබඳව ඔබ කිසිවෙක් දැනුවත් නැතිව ඇති. අපි සියල්ලම වාගේ කෙසෙල් ගෙඩියක් ආහාරයට ගැනීමෙන් පසුව සිදු කරන්නේ එහි ලෙල්ල ඉවත දැමීමයි. නමුත් ඉන්දියාව වැනි රටවල ජීවත් වන මිනිසුන් කෙසෙල් ලෙල්ලත් ආහාරයට ගෙන විවිධ සෞඛ්‍යය වාසි ශරීරයට අත්කරගනු ලබනවා. අපි දැන් බලමු කෙසෙල් ලෙල්ලෙන් අපට සිදුකරගත හැකි දෑ පිළිබඳව.

01. දත් සුදු පැහැ කරගැනීම
කෙසෙල්ලෙල්ලකින් ඔබේ දත් සති දෙකක කාලයක් අතුල්ලන්න. ඔබේ දත් ඉක්මණින්ම සුදු පැහැ වනවා ඔබට දැකගන්නට ලැබේවි.

02. ඉන්නන් ඉවත්කර ගැනීම
ඔබේ ශරීරයේ තැනින් තැන ඉන්නන් සිටිනවා නම් එයටත් කෙසෙල් ලෙල්ලක් භාවිතයෙන් විසඳුම් සෙවීමට පුළුවන්. කෙසෙල් ලෙල්ලක් ඉන්නන් ඇති ස්ථානයේ අතුල්ලන්න. එමගින් ඔබට ඉන්නන් ඉවත් කර යලි ඉන්නන් ඇතිවීමත් වළකාලීම සිදු කර ගන්නට පුළුවන්.

03. කුරුලෑ සුවකර සමේ රැලි වැටීම වළක්වා ගැනීමට
කුරුලෑ සඳහා කෙසෙල් ලෙල්ලක් භාවිතා කිරීම ඉතා හොඳ ස්වභාවික පිළියමක් වනවා. මෙයට හේතුව වන්නේ කෙසෙල් ලෙල්ලේ අන්තර්ගත වන ප්‍රතිඔක්සිකාරක බලය සහ සම අකලට වයසට යෑම නතර කිරීමේ හැකියාවයි. ඒ වගේම, කෙසෙල් ලෙල්ල මගින් සම වියළීම නතරකර සමට අවශ්‍ය වන පෝෂණය සපයා දෙනු ලබනවා. ඔබේ සමේ මෙවන් ගැටළු ඇති ස්ථාන වල කෙසෙල් ලෙල්ලක් අතුල්ලා විනාඩි තිහක පමණ කාලයක් සිටින්න.

04. සෝරෛයසිස් නමැති චර්ම රෝගයත් “Psoriasis” කෙසෙල් ලෙලි භාවිතයෙන් සුව කර ගන්නට පුළුවන්.

05. කෙසෙල් ලෙලි නිර්වේදනික කාරකයක් “Analgesic Agent” වනවා.
ඔබේ සමේ වේදනාවක් ඇති ස්ථාන වල කෙසෙල් ලෙල්ලක් අතුල්ලන්න. එමගින් සාර්ථකව වේදනාව සමනය කරගන්නට පුළුවන්.

06. කෙසෙල් ලෙලි භාවිතෙයෙන් බර අඩු කර ගන්නට පුළුවන්.
සෑම දිනකම දිවා ආහාරය ගත් පසුව කෙසෙල් ගෙඩි දෙකක් ආහාරයට ගන්න. කෙසෙල් ලෙල්ලේ දාරය ඉවත් කර කෙසෙල් ලෙල්ලත් ආහාරයට ගන්න. ඒ වගේම, රාත්‍රී ආහාරය අඩුවෙන් ලබා ගන්න. මේ ආහාර වට්ටෝරුව මාසයක කාලයක් අනුගමනය කරන්න. මේ කාලය අතර තුල ඔබේ බර රාත්තල් පහක් හෝ ඊට වඩාවැඩි ප්‍රමාණයකින් අඩු වේවි.

විදුරුමස් දියවීම වළක්වා ගන්නේ කොහොමද?

මුහුණට මුහුණ හමුවන තවත් අයෙකුට ප්‍රතිචාරය දැක්වීමට අපට සිනහව අතිශය වැදගත් වේ. අනගි දත් දෙපෙළක් ඒ සඳහා අගනා සහයක් ද ලබා දෙයි.

නමුත් දත් වැදගත් වන්නේ සිනහසීමට පමණක් ද? නැත. දත්වල අගය ඊට වඩා බොහෝ වැඩිය. ඒ සඳහා නිරෝගී දත් දෙපෙළක් පවත්වා ගැනීම අත්‍යවශ්‍යය. අප බොහෝ මුඛ රෝග වළක්වාගත යුත්තේ ද එබැවිනි. විදුරුමස් රෝග යනු දතේ විදුරුමසේ ඇතිවන ආසාදන තත්තවයකි. මෙම ආසාදන තත්ත්වයට මුල් වනුයේ දත් සහ විදුරුමස අතර මැලියම් රැඳීමෙන් එකතුවන බැක්ටීරියා සහ විසබීජ විදුරුමස ආශි‍්‍රත පටක ආසාදනයට ලක් කිරීමයි.

රෝග ලක්ෂණ

දත හා විදුරුමස වෙන් කෙරෙන දාරය රතුපැහැ ගැන්වීම සහ ඉදිමීම සහ විදුරුමසෙන් ලේ ගැලීම එහිදී ප්‍රධානය. එම ඉදිමුම අඳුනාගත හැකි ලක්ෂණ නම්, දත් දෙකක් අතර විදුරුමස කොටසේ උල් ගතිය නැති වී යාම මෙන්ම විදුරුමස කසන සුළු ගතියක් ඇතිවීමය.

විදුරුමසක ව්‍යුහය

නිරෝගී අයෙකුගේ නම් දත හා විදුරුමස අතර ඇසට නොපෙනෙන ඉතාම කුඩා ඉඩක් පවතී. අප ගන්නා ආහාර මේ කුඩා ඉඩ තුළට නොයන මුත් දත හා විදුරුමස අතර මැලියම් බැඳී ආසාදනයට ලක් වූ විට විදුරුමස අතර ඇති එම පුංචි ඉඩ විශාල වී සාක්කුවක් මෙන් වර්ධනය වේ. එවිට මෙම කොටස තුළ අප ගන්නා ආහාර සේම විසබීජ ද (මැලියම්) රැඳීම සිදු වේ.

මෙවැනි තත්ත්වයකදී සාමාන්‍ය දත් මැදීමේදී මේ කොටසේ රැඳී ඇති මැලියම් ඉවත් නොවේ. තවද විදුරුමස ඉදිමී ඇතිවිට බුරුසුව යන්තමින් වැදුණ ද ලේ ගැලීම සිදු වේ. එනම් විදුරුමස ආසාදනයට ලක් වී ඉදිමී ඇතිවිට ලේ ගැලීමක් සිදුවේ. බොහෝදෙනෙකු මෙවැනි අවස්ථාවලදී එම ලේ ගැලීමට බියෙන් එම ස්ථානය බුරුසුවෙන් පිරිසුදු නොකරයි. එවිට එම කොටසේ මැලියම් තවදුරටත් එසේම ඉතිරි වේ.

පැය 48කට පමණ පසුත් මෙසේ මැලියම් රැඳී තිබෙන විට ඒ මැලියම් මත කැල්සියම් තැන්පත් වී ඒවා ඝන වේ.

මෙලෙස දිගින් දිගට මේ තත්ත්වය සිදුවීමේදී එම ඝන මැලියම් ආසාදනය වී දීර්ඝකාලීන ආසාදන තත්ත්වයට පත් වේ. (Chronic Inflamation) එහිදී විදුරුමස් පටක ටිකෙන් ටික දියවෙමින් විනාශ වී යෑම සිදු වේ. ඒ සමඟ දත් සවි වී ඇති අස්ථි ද දියවෙමින් පහළට පහළට ගමන් කරයි. එවිට දතේ මුල ටිකෙන් ටික නිරාවරණය වීමට පටන් ගනී. එසේම දතමුල වටා සුදු පැහැති ඝන ද්‍රව්‍යයක් බැඳී ඇති ආකාරයද දිස් වෙයි. මේ තත්ත්වයේදී සීතල හෝ උණුසුම් දේවල් ආහාරයට ගන්නා විට දත් හිරිවැටීමටද ලක් වේ. මේ තත්ත්වයේදී අපට දිස්වනුයේ දතේ දිග ටිකෙන් ටික වැඩි වන ආකාරයකි. “දත ඇදෙනවා වගේ පෙනෙනවා” යැයි සාමාන්‍ය ව්‍යවහාරයේ පවතිනුයේ මෙම තත්ත්වයය. එහි අවසන් ප්‍රතිඵලය නම් දත සෙලවී වැටී යාමය.

තවද සිහිතබා ගත යුතු වැදගත් කරුණක් වනුයේ වියපත් වුවද නිරෝගී අයෙකුගේ විදුරුමස නිරෝගීව තබා ගතහොත් මිය යනතුරුම දත් සෙලවීමකට ලක් නොවී තබාගත හැකි වේ. එබැවින් “වයසට යනවිට දත් වැටෙනවා” යනු මිත්‍යා මතයකි.

අප ඉහත සඳහන් කළ දීර්ඝකාලීන මැලියම් එකතු වීමත් ඒ මත තව තවත් විසබීජ එකතු වීමත් නිසා විදුරුමස ආසාදනය වීමෙන් ඇතිවන තත්ත්වයේදී විදුරුමසට එකතුවන විස ද්‍රව්‍ය හා විසබීජ සමඟ සටන් කිරීම සඳහා අපගේ සිරුරේ ප්‍රතිශක්තිකරණ පද්ධතිය මඟින් විවිධ රසායනික ද්‍රව්‍ය නිපදවයි. (එනම් ප්‍රොස්ටග්ලැන්ඩීන්ස් රසායනිකය) මේ රසායනිකය විදුරුමස් පටක තුළ නිපදවෙන අතර රුධිරයට මුදා හැරීමක් සිදුවේ. එමඟින් සිරුරේ විවිධ ස්ථානවල විවිධ සංකූලතා ඇති කිරීමට බලපායි. දැනට පර්යේෂණ මඟින් සොයාගෙන ඇත්තේ එමඟින් හෘද රෝග ඇති කිරීමට, මොළයේ ආඝාත තත්ත්ව ඇති කිරීමට දියවැඩියාව ඇති වීමට මෙන්ම දියවැඩියාව සහිත කෙනෙකුගෛ් නම් එහි පාලනයට බාධා ඇති කිරිමට, මෙයින් බලපෑමක් සිදුවන බවය. තවද ගර්භණි සමයේදී නම් දරුවා අඩු මාසයෙන් ඉපදීමට මෙන්ම මළදරු උපත් සිදු වීමට ද එය බලපායි. එබැවින් විදුරුමස් රෝග කෙසේවත් සුළුවෙන් තැකීම සුදුසු නොවේ.

විදුරුමස් රෝග වළක්වා ගැනීම

මෙහිදී ඉතාමත් වැදගත්ම දෙය නම් දිනකට දෙවරක් කෑමෙන් පසු නිසිලෙස දත් මැදීමය. එමඟින් දතේ මුල ආහාර රැඳීම අවම කළ හැකි වේ. ඒ සඳහා නිසි ප්‍රමිතියෙන් යුතු දත් බුරුසුවකින් නිසි පරිදි දත් මැදීම ද කළ යුතු වේ. එහිදී බුරුසුවේ කෙඳි එහා මෙහා ඇදවී, නැමී නොතිබීම ඉතා වැදගත් වේ.

දත් මැදීමට පටන් ගැනීමේදී කණ්ණාඩියක් අසලට ගොස් මුඛයේ යට දත් ඇන්දේ කෙළවරේම දතේ පිට පැත්තේ සිට මැදීම ආරම්භ කළ යුතුය.

මෙහිදී බුරුසුවේ කෙඳි අංශක 45ක් පමණ විදුරුමස දෙසට ආනත කර තබා ගනිමින් ලිවීම සඳහා පෑනක් පොතට තද කරන ප්‍රමාණයට විදුරුමසට බුරුසුවේ කෙඳි තදකරමින් ඉදිරියට පිටුපසට ආදී වශයෙන් දත් දෙකක් හසුවන ආකාරයට මැදීම කළ යුතුවේ. මේ ක්‍රමයට දත් මැදීමේදී අපට ඉතා හොඳින් දත් අතරින් විදුරුමස අතරට බුරුසුවේ කෙඳි ගමන් කරන අයුරු දැනේ.

අනතුරුව විදුරුමස ඇතුළත මැලියම් පිටතට විසිවන අයුරින් විදුරුමස් විරුද්ධ දිසාවට බුරුසුව කරකවමින් මැදිය යුතු වේ. මෙසේ දත් දෙකක් බැගින් හසුවන ලෙස දත් ඇන්දේ වම් හා දකුණු පැති දෙකම මැදීම අවශ්‍ය වේ.

එසේම දත් ඇඳිවල ඇතුල් පැත්ත ද මෙලෙසම මැදිය යුතු වේ.

ඒ අයුරින්ම උඩු දත් ඇන්ද ද මැදිය යුතුය. එසේම දත් ඇඳි දෙකේම හපන පැත්ත ද බුරුසුවෙන් රවුමට රවුමට මැදගත යුතු වේ.

මේ අයුරින් පිළිවෙලකට දත් මැදීමේදී ආහාර කැබලි පිටතට පැමිණෙන අයුරු අපට දැනෙයි. මෙසේ එක් කෙළවරක සිට අනික් කෙළවර දක්වා පිළිවෙලට දත්මැදීම වැදගත් වේ.

මෙලෙස දත් මදින විට දිව ද හොඳින් මැද පිරිසිදු කිරීම ද වැදගත් වේ.

තවද දත් මැදීම සඳහා ෆ්ලෝරයිඩ් අඩංගු දන්තාලේපයක් භාවිතා කළ යුතු අතර, රාත්‍රි දත් මැදීමේදී එය රාත්‍රියේ නින්දට පෙර සිදු කරන අවසන් ක්‍රියාව වශයෙන් සිදු කිරීම ද ඉතා වැදගත් වේ. මෙසේ නිවැරැදිව දත් මැදීමෙන් අපට දත් දෙපෙළේ නිරෝගීභාවය ආරක්ෂා කර ගැනීමට විශාල දායකත්වයක් ලබා දිය හැකි වේ.

-සමුද්‍රිකා වර්ණකුල-

තට්ටය පෑදීම වළකන ස්වභාවික පිළියම් 15 ක්

තට්ටය පෑදීම විවිධාකාරයෙන් සිදු වෙනවා. ඇතැම් පුද්ගලයින්ගේ වට හිසකෙස් පමණක් ඉතිරි වී හිස් මුදුනේ හිසකෙස් ගැලවී තට්ටය පෑදෙනවා. ඇතැම් පුද්ගලයින්ගේ සම්පූර්ණයෙන්ම හිසකෙස් ගැලවී තට්ටය පෑදෙනවා. ඒ වගේම, සමහර පුද්ගලයින්ගේ හිසකෙස් වර්ධනය වීම සිදු වෙන්නේ ඉතාමත් සෙමින්. ලොවපුරා සිටින පිරිමි පුද්ගලයින්ගෙන් 70% පමණ ප්‍රතිශතයක් තට්ටය පෑදීම නිසා පීඩා විඳිනවා. පිරිමි පුද්ගලයින්ගේ තට්ටය පෑදීමට ප්‍රධාන වශයෙන්ම මුල් වෙන්න ජානමය තත්වයනුත් සහ ලිංගික හොමොන වල සිදු වන වෙනස්කම්. තට්ටය පෑදීම වළක්වා හිසකෙස් සවිමත්ව නැවත වර්ධනය කර දෙන ස්වභාවික සත්කාර කිහිපයක් අද අපි ඔබට ගෙනවිත් තිබෙනවා.

01. පොල් කිරි සහ තෙල්
ඔබත් තට්ටය පෑදීම නිසා පීඩා විඳින අයෙක් නම් ඔබට භාවිතා කරන්නට පුළුවන් හොඳම ස්වභාවික සත්කාර වලින් එකක් තමයි පොල් කිරි දිනපතා ඔබේ හිසේ සමෙහි ආලේප කිරීම. පළමුව පොල් කිරි මිලිලීටර 20 ක් සමග අම්ලා තෙල් මිලිලීටර 10 සහ ලෙමන් යුෂ තේ හැන්ඳක් හෝ දෙකක් එක්කර මිශ්‍රණයක් සකස් කර ගන්න. මෙම මිශ්‍රණය හිස් කබල පුරාම හොදින් ආලේප කර සුළු වෙලාවක් සිටින්න. ඊළඟට විනාඩි විස්සකට විතර පසු මේ ආලේපනය හිසෙන් සෝදා ඉවත් කර හිස හොඳින් පිරිසිදු කරගන්න. මේ ස්වභාවික සත්කාරය මගින් හිස්හොරි පවා සුව කර තට්ටය පැදීම වළක්වා ගන්නට පුළුවන්. මේ පොල් කිරි සත්කාරය ඔබේ හිසට දිනපතා සිදු කරන්න.

02. ඔබ භාවිතා කරන තෙල් වර්ගයක් ආලේප කර දින පතා හිස සම්භාහනය කරන්න
ඔබ භාවිතා කරන ඕනෑම තෙල් වර්ගයක්, උදාහරණයක් විදිහට පොල් තෙල්, ඔලිව් තෙල්, ආමන්ඩ් තෙල් වගේ ඕනෑම තෙල් වර්ගයක් රැගෙන හිස ඇල්මැරුණු ජලයෙන් සෝදා ඔබ සපයා ගත් තෙල් ආලේප කර හොදින් සම්භාහනය කරන්න. මේ සත්කාර ක්‍රමයෙන් ඔබට පුළුවන් වේවි හිස්හොරි ඇති වීමත් වළක්වා කේශ මූල වලට නිසි පෝෂණය ලබා ගන්න. ප්‍රථමයෙන්ම ඔබ භාවිතා කරන තෙල් වර්ගය අල්ලට රැගෙන හොදින් හිසෙ හි සමේ සහ හිසකෙස් පුරාවටම ආලේප කරන්න. දැන් ඔබේ හිස විනාඩි දහයක් පමණ හොදින් සම්භාහනය කර විනාඩි පහළොවක කාලයක් විවේකීව සිට ෂැම්පු හෝ මෘදු සබන් භාවිතාකර හිස හොඳින් සෝදන්න. තට්ටය පෑදීම වලක්වා ගන්න නම් මේ සත්කාර ක්‍රමය දිනකට හතර වතාව බැගින් දිනපතාම සිදු කරන්න. ඒ වගේම, ඔබට පුළුවන් පොල්තෙල් හෝ අම්ලා තෙල් ඔබ නිදන්නට පෙර හිසේ ආලේප කර හිස්කබලට සිදුවන රුධිර සංසරණය වේගවත් කර මානසික ආතතිය පවා ලේසියෙන්ම අඩු කරගන්නට.

03. උළුහාල් ඇට සහ තෙල්
උළුහාල් ඇට කිහිපයක් සමග පොල්තෙල් ස්වල්පයක් තාච්චියකට එක්කර සුළු වේලාවක් බැදගන්න. ඊළඟට මේ මිශ්‍රණය සිසිල් වූවායින් පසුව සුළු ප්‍රමාණයක් ගෙනහිසේ ආලේප කරන්න. දැන් මේ ආලේපනය හිසකෙස් මුලටම ගමන් කරවීම සඳහා ඇඟිලි තුඩු භාවිතා කර හිස හොඳින් පිරි මදින්න. මේ ආලේපනය සතියකට වාර තුනක් හෝ හතරක් ස්නානය කිරීමට පෙර හිසේ ආලේප කරන්න. මේ සත්කාර ක්‍රමය මගිනුත් ඔබට පුළුවන් ලෙහෙසියෙන්ම හිසකෙස් වැටීයාම වළක්වා තට්ටය පෑදීම නතර කර ගන්න.

04. මරතොන්ඩි කොළ “Henna Leaves”
අපේ අසල්වැසි රටක් වෙන ඉන්දියාවේ වසර ගණනාවක සිට මේ මරතොන්ඩි පත්‍ර හිසකෙස් වැටී යාම වළක්වා ගන්නත් හිසකෙස් වලට වර්ණයක් සහ දීප්තියක් ලබා ගන්නත් භාවිතා කර තිබෙනවා. අබ තෙල් ස්වල්පයක් සමග මරතොන්ඩි පත්‍ර කිහිපයක් හොඳින් රත්කරගන්න. ඊළඟට මේ මිශ්‍රණය සිසිල් වීමට ඉඩ හැර ඔබ සාමාන්‍යයෙන් භාවිතා කරන තෙල් වර්ගයක්සමග හොදින් මිශ්‍ර කරන්න. ඔබ මේ රත්කරගත් මිශ්‍රණය පොල්තෙල් සමග මිශ්‍ර කරගන්නවානම් සාර්ථක ප්‍රතිඵල අත්කරගන්නට පුළුවන්. මේ ආකාරයට අවසාන වශයෙන් ඔබ සකස් කරගත් මිශ්‍රණය සතියකට වාර දෙකක් හෝ තුනක් හිසේ ආලේප කර තට්ටය පෑදීම වළක්වා ගන්න.

05. මුදවාපු මී කිරි සහ කඩල පිටි ආලේපනය
කඩල පිටි මේස හැඳි දෙකකට නැවුම් තත්වයේ ඇති මුදවාපු මී කිරි මේස හැඳි දෙකක් හෝ තුනක් එකතු කරමෘදු ආලේපනයක් සකස් කරගන්න. මේ ආලේපනය හිසෙහි සමේ සහ හිසකෙස් පුරාවටම ආලේප කර පැයක පමණ කාලයක් සිට හිස හොඳින් සෝදාගන්න. හිසකෙස් වැටීමත් තට්ටය පෑදීමත් වළක්වාගන්න නම් මේ සත්කාරය දිනකට වාර තුන බැගින් සිදු කරන්න.

06. මීපැණි සහ ඔලිවු තෙල් මිශ්‍රණය
මීපැණි තේ හැඳි දෙකක් ගෙන එයට ඔලිව් තෙල් මේස හැඳි දෙකක් සමග හොඳින් මිශ්‍ර කර මිශ්‍රණයක් සකස්කරන්න. දැන් කුරුඳු කුඩු තේ හැන්ඳක් ගෙන මේ මිශ්‍රණයටම එකතු කරන්න. ඔබේ හිසකෙස් වැටී තට්ටය පෑදී තිබෙන ස්ථාන වල මේ මිශ්‍රණය ආලේප කර විනාඩි පහළොවක කාලයක් තබා හිස හොදින් සෝදන්න. ඔබ මේ සත්කාර ක්‍රමය සතියකට වාර දෙක බැගින් මාස තුනක් හෝ හතරක් සිදු කරන්න. එවිට ඔබට සාර්ථක ප්‍රතිඵල අත් කර ගන්නට පුළුවන්.

07. ළුණු සත්කාරය
ළුණු කියනෙත් තට්ටය පෑදීම වළක්වා ගැනීමට භාවිතා කල හැකි තවත් ඵලදායී ඖෂධයක්. ලොකු ළුණුගෙඩියක් ගෙන දෙකට කපා ළුණුබෑයේ ඇතුල් පැත්ත තට්ටය පෑදී ඇති ස්ථානයේ උදෑසන සහ සන්ද්‍යා කාලයේදී හොඳින්අතුල්ලන්න. මේ ස්ථානය ඇතිල්ලීමේ දී රතු පැහැ වන තෙක් හොඳින් අතුල්ලන්න.ඊළඟට මේ ස්ථානයේ මීපැණි ස්වල්පයක් ආලේප කරන්න. මේ සත්කාර ක්‍රමය දිනපතා සිදු කරන්න

08. නෙල්ලි
වියළි නෙල්ලි කැබලි කිහිපයක් පොල්තෙල්වලට එක්කර රත් කරන්න. මෙම මිශ්‍රණය සිසිල් වීමට ඉඩ හැර වාතය ඇතුළු නොවන බෝතලයකට මාරු කරන්න. දිනපතා මෙම තෙල ඔබේ හිසේ ආලේප කර විනාඩි පහළොවක කාලයක් තබා ස්නානය කරන්න. මෙම සත්කාර ක්‍රමය මගින් ඔබේ හිසකෙස් ඉක්මණින් වර්ධනය වෙව්.

09. සලාද කොළ සහ නිවිති
සලාද කොළ සහ නිවිතිත් තට්ටය පැදීම වළක්වා ගැනීම සඳහා භාවිතා කරන්නට පුළුවන්. සලාද කොළ සහ නිවිති ඇඹරුම් යන්ත්‍රයකට එක්කර මෘදු ආලේපනයක් සකස් කර ගන්න. මෙම මිශ්‍රණයෙන් ලබාගත් යුෂ රැගෙන හිසේ හිස කෙස් නොමැති ස්ථාන වල ආලේප කරන්න. සුළු වේලාවකින් පසුව හිස සෝදා පිරිසිදු කරන්න. සාර්ථක ප්‍රතිඵල අත් කර ගැනීම සඳහා සතියකට වාර හතරක් මෙම සත්කාරය සිදු කරන්න. මෙම යුෂ ලීටර භාගයක් දිනපතා පානය කිරීම මගිනුත් ඔබට සාර්ථක ප්‍රතිඵල අත් කර ගන්නට පුළුවන්.

10. නෙල්ලි සහ දෙහි යුෂ
නැවුම් දෙහි යුෂ සහ නෙල්ලි යුෂ සමාන ප්‍රමාණයන්ගෙන් ගෙන මිශ්‍ර කර ෂැම්පු ආලේප කරන ආකාරයට හිසෙහි ආලේප කරන්න. සුළු වෙලාවක් සිට මෙම මිශ්‍රණය සෝදා ඉවත් කරන්න. මෙම ක්‍රමයත් හිසකෙස් නැවත වර්ධනය කර ගැනීමට සිදු කල හැකි සාර්ථකම ක්‍රමවේදයක් වේවි.

11. ලෙමන් ඇට සහ ගම්මිරිස් ඇට
ගම්මිරිස් ඇට දහයක් සහ ලෙමන් ඇට දහයක් ගෙන කුඩු කරන්න. මෙම ඇට වර්ග දෙක කුඩු කර සකස් කර ගත් පවුඩරයට ජලය සුළු ප්‍රමාණයක් එක්කර දිනකට දෙවරක් තට්ටය පෑදී ඇති ස්ථානයේ ආලේප කරන්න. සති කිහිපයක් මෙම සත්කාර ක්‍රමය අනුගමනය කරන්න. එවිට හිසකෙස් වර්ධනය සඳහා අවශ්‍ය වන රුධිර සංසරණය වේගවත් වේවි.

12. “Saffron” සහ “Licorice” පවුඩර්
“Licorice” පවුඩර් මේස හැඳි දෙකක් සහ “Saffron” ස්වල්පයක් එක්කර එයට ඇල් කිරි මේස හැඳි හතරක්ද එක්කර මිශ්‍ර කරන්න. මෙම මිශ්‍රණය හිසේ ආලේප කර රැයක් පහන් වන තුරු තබන්න. පසුදා උදෑසන හිස සෝදා දමන්න. සාර්ථක ප්‍රතිඵල අත්කර ගන්නට නම් මේ ආකාරයට සතියකට වාර තුනක් හෝ හතරක් මෙම සත්කාරය සිදු කරන්න.

13. පේර පත්‍ර
පේර පත්‍ර කිහිපයක් ගෙන ජලය ලීටරයකට එක්කර ජලය අඳුරු පැහැ වන තුරුතම්බා ගන්න. ඉන් පසුව මෙම ජලය සිසිල් කර ගෙන සතියට වාර දෙකක් හෝ තුනක් හිසෙහි ආලේප කර හොඳින් සම්භාහනය කරන්න.

14. රෝස්මරී සහ “sage” තෙල්
රෝස්මරී සහ “sage” තෙල් පොල් තෙල් වලට හෝ පොල් කිරි වලට එක්කර මිශ්‍රණයක් සකසා අවශ්‍ය ස්ථානයේ ආලේප කරන්න. විනාඩි 15-20 ත් අතර කාලයක් තබා මෙය සෝදා ඉවත් කරන්න. මෙම සත්කාර ක්‍රමය දිනකට හතර වතාව බැගින් සති කිහිපයක් සිදු කරන්න. ඔබේ තට්ටය පෑදීම දුරුවී යාවි.

15. බිත්තර
අමු බිත්තරයක් ගෙන එය ගසා ගන්න. හිසේ හොඳින් ආලේප කරන්න. මේ ආකාරයට අවම වශයෙන් සතියකට වාර එකක් හෝ තුනක් සිදු කරන්න. ඔබ මෙම බිත්තරයට ඔලිව් තෙල් ස්වල්පයක් එක් කරනවානම් සාර්ථක ප්‍රතිඵල අත් වේවි.